အိမ်တကာလှည့်ပြီး လက်ခစားအဝတ်ချုပ်တ့ဲအလုပ်ကို လုပ်တ့ဲ အဝတ်ချုပ်သမားတစ်ယောက် ရှိတယ်။
တနေ့တော့ သူဟာ သူဌေးကြီးတစ်ဦးရဲ့အိမ်မှာ ဝတ်စုံတစ်စုံချုပ်ပေးဖို့ အလုပ်အပ်နှံခြင်း ခံရသတ့ဲ။
ဒါနဲ့...
သူဌေးကြီးထံကနေ သူချုပ်ပေးရမယ့် အဝတ်စကို တောင်းယူပြီးတ့ဲအခါ၊ ပြောင်လက်တောက်ပပြီး တန်ဖိုးကြီးပေးရတ့ဲ ကတ်ကြေးတစ်လက်နဲ့ အဝတ်စကို လိုအပ်သလို ကိုက်ဖြတ်လိုက်တယ်။
ပြီးတာနဲ့ အဲဒီကတ်ကြေးကို သူခြေထောက်နားမှာ ချထားလိုက်တယ်တ့ဲ။
အဲဒီနောက်တော့... ...
အပ်သေးသေးလေးနဲ့ အပ်ချည်ကြိုးအချို့ကို ထုတ်လိုက်ပြီး၊ ခုနက အပိုင်းပိုင်းဖြတ်ထားတ့ဲ အဝတ်စတွေကို စတင်ချုပ်လုပ်တော့သတ့ဲ။
အချိန်အတော်ကြာလို့ လှပသေသပ်တ့ဲ ဝတ်စုံကို ချုပ်လုပ်ပြီးတ့ဲအခါမှာတော့... ...
သူဟာ...
အဝတ်ချုပ်တ့ဲအပ်လေးကို သူ့ခေါင်းမှာ ဆောင်းထားတ့ဲ ဦးထုပ်မှာ တရိုတသေနဲ့ ပြန်ပြီးထိုးထားလိုက်လေတယ်။
ဒီတော့...
သူ့ရဲ့လုပ်ပုံကိုင်ပုံကို အစအဆုံး စောင့်ကြည့်နေတ့ဲ သူဌေးကြီးက မနေနိုင်တော့ပဲ သူ့ကိုမေးတယ်... ...
"မိတ်ဆွေ... တန်ဖိုးကြီးပြီး တောက်ပြောင်လှပတ့ဲ ကတ်ကြေးကိုတော့ သင့်ခြေထောက်ရင်းမှာ ထားပြီး၊ ဘာမဟုတ်တ့ဲ တန်ဖိုးနည်းအပ်လေးကိုတော့ ဘာဖြစ်လို့ သင့်ဦးခေါင်းထက်မှာ တရိုတသေ သိမ်းဆည်းရတာပါလဲ"
စက်ချုပ်သမားက သူဌေးကြီးကို ပြုံးပြလိုက်ပြီး ရှင်းပြတယ်... ...
"အရှင်သူဌေးမင်း... ... ကတ်ကြေးဟာ တောက်ပြောင်လှပပြီး တန်ဖိုးကြီးပေးရတာ မှန်ပါတယ်၊ ဒါပေမယ့် သူက အဝတ်စတွေကို အပိုင်းပိုင်း ကိုက်ဖြတ်တာပဲ လုပ်တယ်၊ အပ္ကေလးကေတာ့ သူနဲ့ ဆန့်ကျင်ဘက်ပါ၊ သူက အမြင်မလှမပနဲ့ တန်ဖိုးလည်းနည်းပေမယ့် အပိုင်းပိုင်းဖြစ်နေတ့ဲ အဝတ်စတွေကို ပေါင်းစီးပေးနိုင်ပြီး သေသပ်လှပတ့ဲ ဝတ်စုံတစ်စုံအဖြစ် ဖန်တီးပေးနိုင်တယ်၊ ကျနော့်အတွက်တော့ အပ္ကေလးဟာ ကတ်ကြေးထက်ပိုပြီး အလေးအမြတ်ထားရမယ့် ပစ္စည်းတစ်ခု ဖြစ်ပါတယ် သူဌေးမင်း"
ပြီးတော့ အပ်ချုပ်သမားက ဆက်ပြောတယ်... ...
"ပစ္စည်းတွေရဲ့ တန်ဖိုးကို သတ်မှတ်တ့ဲအခါ သူ့ကိုပေးချေရတ့ဲ ငွေကြေးနဲ့ မပိုင်းဖြတ်ပါဘူး၊ အဲဒီပစ္စည်းဟာ လောကကြီးအတွက်၊ ဘယ်လောက်တောင် အသုံးဝင်သလဲဆိုတ့ဲအပေါ် မူတည်ပြီး သတ်မှတ်ရပါတယ်"... တ့ဲ။
ပုံပြင်လေးးကတော့ ဒီလောက်ပါပဲ
ကျွန်တော်တို့တွေလည်း လောကအလယ် ရုန်းကန်လှုပ်ရှားရင်း ဘဝတွေကို ဖြတ်သန်းကြတ့ဲအခါ လူနှစ်မျိုးနှစ်စားတွေ့နိုင်တာပေ့ါ။
ကတ်ကြေးလို လူမျိုး
နဲ့
ချုပ်အပ်လေးလို လူမျိုး
စည်းလုံးညီညွတ်မှုတွေကို ဖြိုခွဲဖျက်စီးနိုင်တ့ဲ၊ အရာရာကို ကိုက်ဖြတ်ပိုင်းစုတ်နိုင်တ့ဲ ကတ်ကြေးလို လူမျုးိတွေကို သတိထားရှောင်းရှားကြရမယ်... ....
လောကလူ့ရွာအတွက် ကောင်ကျိုးပြုပြီး စည်းလုံးညီညွတ်မှုကို ဆောင်ရွက်နိုင်စွမ်းတ့ဲ ချုပ်အပ်လေးလို လူမျုးိကို ပေါင်းသင်းဆက်ဆံ တန်ဖိုးထားရမယ်....
ဒါပါပဲ
မင်္ဂလာအပေါင်းနှင့်ပြည့်စုံပါစေ
အရှင်ဉာဏိဿရ (ဒီပဲယင်း)
No comments:
Post a Comment
မင်္ဂလာအပေါင်းနှင့်ပြည့်စုံပါစေ