Credit
မင်္ဂလာအပေါင်းနှင့်ပြည့်စုံပါစေ
အရှင်ဉာဏိဿရ (ဒီပဲယင်း)
Sunday, July 1, 2018
စွမ်းအား
စကားလုံးတိုင်းဟာ စွမ်းအားတွေရှိကြပါတယ်။ စကားတစ်ခွန်းကြောင့် ပျော်ရွှင်ခြင်း၊၀မ်းနည်းခြင်း၊စိတ်ဓာတ်တက်ကြွခြင်း၊စိတ်ဓာတ်ကျခြင်း၊အားကျခြင်း၊အမြင်စောင်းခြင်း၊ဒေါသထွက်ခြင်း၊ကျေးဇူးတင်ခြင်း၊ချစ်ခြင်း၊မုန်းခြင်း စသည်တို့ကို ဖြစ်ပေါ်စေပါတယ်....ကျွန်တော်တို့ဟာ နေ့စဉ် စကားပြောဖြစ်နေကြပါတယ်..တယောက်နဲ့တယောက် အနည်းအများသာကွာမယ် လူတိုင်းကတော့ နေ့စဉ် စကားတွေပြောနေကြတာပါပဲ..သူတပါးရဲ့စကားတခွန်းကြောင့် ပျော်ရွှင်မှုတွေခံစားရတတ်သလို ၀မ်းနည်းမှုတွေလဲ ခံစားရတတ်ပါတယ်..ထို့အတူ မိမိတို့ပြောဆိုလိုက်သော စကားတခွန်းကြောင့် အားအင်ဖြစ်သွားတဲ့သူတွေရှိသလို စိတ်ညစ်သွားကြတဲ့သူတွေလဲ ရှိနေပြန်ပါတယ်..ဒါကြောင့် စကားလုံးတွေရဲ့ စွမ်းအားကို သိရှိနားလည်ပြီး မိမိရဲ့ စကားတခွန်းကြောင့် သူတပါးစိတ်မထိခိုက်ရင်တော့ အကောင်းဆုံးပါပဲ...ဒါနဲ့ ကျွန်တော်ဖတ်ဖူးတဲ့ English ပုံပြင်အတိုလေးတပုဒ် ပြောပြရဦးမယ်..ပုံပြင်ရဲ့နာမည်ကတော့ The Group of Frogs (ဖားတစ္စု) ဖြစ်ပါတယ်..တနေ့တော့ မိုးလေကျပြီးစအချိန်မှာဆိုရင်ပဲ ဖားတစ္စုဟာ သစ်တောထဲကို လှည့်လည်သွားလာနေကြပါတယ်..ထိုအထဲက ဖားနှစ်ကောင်ဟာ ကျင်းနက်တစ်ခုထဲကို ကျသွားပါတော့တယ်။ ကျန်တဲ့ဖားအုပ်စုကတော့ ပြန်တက်ဖို့ဆိုတာမဖြစ်နိုင်ကြောင်း မိမိတို့အနေနဲ့ ချန်ရစ်ခဲ့တော့မည်ဖြစ်ကြောင်း ပြောပါတယ်။ ဖားနှစ်ကောင်ဟာ သူတို့ပြောသမျှကို လက်မခံပဲ အပေါ်ကိုပြန်ရောက်အောင် ကြိုးစားခုန်ကြပါတော့တယ်။ သိုပေမယ့်လည်း ကျင်း၀မှာ ရှိနေတဲ့ ဖားအုပ္စုကေတာ့ မဖြစ်နိုင်တော့ကြောင်း၊ လက်လျော့သင့်ကြောင်း၊ ဘယ်တော့မှ အပေါ်တက်နိုင်မည် မဟုတ်တော့ကြောင်း ပြောပါတယ်။ နောက်ဆုံးမှာတော့ နှစ်ကောင်ထဲက တစ်ကောင်ဟာ အပေါ်က ဖားအုပ်စုရဲ့ စကားတွေကို မလွန်ဆန်နိုင်တော့ပဲ လက်လျော့လိုက်ပါတော့တယ်။ နောက်တကောင်ကတော့ လက်မလျော့သေးပဲ ပိုပြီးကြိုးစားအားထုတ်ပြီးခုန်နေတာကိုကြည့်ပြီး ဖားအုပ္စု အော်ဟစ်လှောင်ပြောင်ကြပါတယ်။ သို့သော်လည်း ဖားဟာ ပိုကြိုးစားပြီး ခုန်လိုက်တဲ့အခါမှာတော့ အပြင်ကိုရောက်လာပါတော့တယ်။ အဲ့တော့ ကျန်တဲ့ ဖားအုပ္စုက "မင်းငါတို့လက်လျော့ဖို့ပြောနေတာကိုမကြားတာလား"လို့ မေးပါတယ်။ ထို့နောက် ဖားက အခုလိုပြောပါတယ် "ကျွန်တော့်က အကြားအာရုံချို့တဲ့သူတယောက်ဖြစ်ပါတယ်၊ ကျွန်တော်က ခင်ဗျားတို့ တချိန်လုံး ကျင်း၀ကနေ အားပေးနေတာလို့ ထင်ခဲ့မိတာ"။ ဒီပုံပြင်လေးက ကျွန်တော်တို့ကို သင်ခန်းစာ နှစ်ခုပေးတယ်လို့ ကျွန်တော်မြင်မိပါတယ်။ ပထမတစ္ခ်က္က ဖားအုပ်စုရဲ့ စကားတွေကြောင့် ပထမဖားတကောင် အသက်သေဆုံးရခြင်းပါ။ ဒုတိယတစ္ခ်က္ကေတာ့ မိမိရဲ့ ရည်မှန်းချက်ပန်းတိုင်ကို မည်သို့ပင် ပိတ်ဆို့စေကာမူ ဒုတိယဖားလို ကြိုးစားအားထုတ်ပြီး ေ၀ဖန်မှုတွေကို တွန်းအားအဖြစ် မှတ်ယူပြီး အရောက်သွားဖို့ပဲ ဖြစ်ပါတယ်။ စာဖတ်သူအားလုံးလဲ စကားလုံးများ၏စွမ်းအားကို သိရှိနားလည်ပြီး အကျိုးရှိစွာ အသုံးချနိုင်ပါစေလို့ ဆုတောင်းပါတယ်။
Subscribe to:
Post Comments (Atom)
No comments:
Post a Comment
မင်္ဂလာအပေါင်းနှင့်ပြည့်စုံပါစေ