လွယ်ရင် သူကြွယ်တောင်
သူခိုးဖြစ်နိုင်တော့
ပြည့်စုံခြင်းဟာလည်း
ရိုးသားခြင်းနဲ့ အချိုးမကျဘူး
ဒီလိုနဲ့
လူတိုင်း ရိုးသားခွင့်ရှိလာတယ် ။
လူသားတိုင်း
အမှန်ကို ရှာဖွေကြရင်း
အမှားနဲ့တွေ့တတ်ကြတယ်
ဒီလိုနဲ့
ရိုးသားခြင်းဟာ
ပုံပျက်သွားတယ် ။
မှားပြီးရင် မှားချင်နေတဲ့
အမှားတွေရဲ့ကြားမှာ
ဒူးထောက် အရှုံးပေးကြတယ်
ဒီလိုနဲ့
ရိုးသားချင်စိတ်နဲ့
ဝေးသွားတယ် ။
ရိုးသားချင်စိတ်မရှိတဲ့အခါ
အမှန်ပြင်ဆင်ခွင့်နဲ့
လွဲသွားတယ် ။
ရိုးသားချင်စိတ်ရှိတဲ့အခါ
အမှန်ကို ထိတွေ့ခွင့်ရလာတယ် ။
အမှားကို ပြင်ဆင်ဖို့
ဘယ်တော့မှ
နောက်မကျဘူး
ဒါပေမယ့်
နောက်ထပ်မမှားဖို့
စိတ်ဆန္ဒမရှိတဲ့အခါ
နောက်ကျသွားတယ်
ဒီလိုနဲ့
နောင်တတွေ ရလာတယ် ။
မှားခဲ့ဖူးရင်တောင်
နောက်ထပ်မမှားဖို့
စိတ်ဆန္ဒရှိတဲ့အခါ
အမှားပြင်ဆင်ဖို့
နောက်မကျတော့ဘူး
ဒီလိုနဲ့
အမှန်တွေ မြင်လာတယ် ။
#Ashinnyanissara
May-20-2018
No comments:
Post a Comment
မင်္ဂလာအပေါင်းနှင့်ပြည့်စုံပါစေ