အတွေးတွေက
အတိတ်တွေဆီ
သဝေထိုးသွားတယ်။
စိတ်မကြည်ဘူး
အတွေးမမှားဖို့
အတွေးတွေကို
ထိန်းချုပ်ဖြစ်တယ်။
ဖြစ်ပြီးရင်တော့
ပျက်တာပဲလေ
ဒါပေမယ့်
မပျက်သေးချိန်တစ်ခဏ
ဖြစ်တည်နေခြင်းတွေက
အတော် ခက်ခဲတယ်။
စကားတွေမပြောဖြစ်ဘူး
တစ်ယောက်ယောက်က
နှုတ်ဆက်တဲ့အခါ
ပြန်နှုတ်ဆက်ဖြစ်ရုံ။
လူတွေရဲ့အကြိုက်ကို
မလိုက်ဖြစ်ဘူး
ကိုယ့်ကို တကယ်လိုလားတဲ့
လူနည်းစုအကြောင်းပဲ
ခေါင်းထဲထည့်ထားဖြစ်တယ်။
#Ashinnyanissara
15-May-2018
No comments:
Post a Comment
မင်္ဂလာအပေါင်းနှင့်ပြည့်စုံပါစေ